Կյանքից հեռացավ «Հայաստան-Ռումինիա» Բարեկամության ընկերակցության պատվավոր նախագահ Հակոբ Առաքելյանը
Ռումինիայի Հայոց Միությունը խոր ցավով հայտնում է, որ երեկ Երևանում կյանքից հեռացավ դասախոս Հակոբ Առաքելյանը։ Նա 40 տարի շարունակ «Հայաստան-Ռումինիա» բարեկամական ընկերակցության ղեկավարության անդամ էր:
Հակոբ Առաքելյանը (1924-2021) դասախոս էր: Երկրորդ համաշխարհային պատերազմից հետո հայրենադարձվել է Հայաստան, որտեղ ավարտել է Երևանի օտար լեզուների մանկավարժական ինստիտուտը: Նա դասավանդել է լատիներեն և ֆրանսերեն Երևանի Մխիթար Հերացու անվան պետական բժշկական համալսարանում: Նա հրապարակել է շուրջ 100 գիտական աշխատանք և հինգ դասագիրք: 1961թ․ Երևանի «Հայպետհրատ» հրատարակչությունը հրատարակեց «Ռումինական պատմվածքներ» ժողովածուի հայերեն թարգմանությունը: 2019թ․ նա Երևանում հրատարակեց «Ճակատամարտեր և խորհրդածություններ» վերնագրով հուշագրությունների հատորը:
2002թ. Ռումինիայի նախագահը նրան շնորհեց «Հավատարիմ ծառայության համար» ազգային շքանշանը՝ սպայի կոչումով, «Հայաստան-Ռումինիա» բարեկամական ընկերակցության ղեկավար կազմում 40 տարվա երկարատև և բեղմնավոր գործունեության և Ռումինիայի մշակույթի և դրա՝ հայկական մշակույթի հետ կապերի վերաբերյալ ուսումնասիրությունների և հոդվածների համար»: Նա «Հայաստան-Ռումինիա» բարեկամության ընկերակցության պատվավոր նախագահն էր:
Աստված հոգին լուսավորի։
